भर्खरै
Home / भर्खरै / आत्मघाती बम हमलामा परी सिरियामा तीस जनाको मृत्यु

आत्मघाती बम हमलामा परी सिरियामा तीस जनाको मृत्यु

दमासकस, १४ फागुन । सिरियाको उत्तरी सहर अल बाबनजिकै भएको एक आत्मघाती बम हमलामा परी शुक्रबार कम्तीमा ३० जनाको मृत्यु भएको छ ।

इस्लामिक स्टेट (आइएस) आतङ्ककारी समुहले गरेको यस आक्रमणमा सिरियाली विद्रोहीको आखाडा लक्षित रहेको जनाइएको छ ।

यस आक्रमणमा परी मृत्यु हुनेमध्ये अधिकांश हमलाकारी नै रहेका एक अनुगमनकर्ताले जानकारी दिएका छन् ।

विस्फोटक पदार्थलाई हमलाकारीले सवारी साधनको तल्लो भागमा राखेर विस्फोट गराएका थिए । घटनामा इस्लामिक स्टेट (आइएस) आवद्ध लडाकुको संलग्नता रहेको सिरियन अब्जरभेटरी फर ह्युमन राइटस्ले जनाएको छ ।

आइएस लडाकूहरुले भने घटनामा चार सय जना टर्कीका सुरक्षाकर्मी र विद्रोही लडाकुको मृत्यु भएको दाबी गरेका छन् ।

Leave a Reply

Your email address will not be published. Required fields are marked *

*

Scroll To Top